जुम्ला । दशैं नजिकिँदै गर्दा जुम्लाका विभिन्न बैंक शाखामा खुद्रा नोट सटहीमा अनियमितता भएको आरोप सार्वजनिक भएको छ ।
दुबो खबरलाई प्राप्त गुनासो अनुसार बैंकका कर्मचारीहरूले आफन्त र चिनजानका व्यक्तिलाई मात्र नयाँ र सुकिला नोट साटिदिने गरेका छन् भने सामान्य सर्वसाधारणलाई “नोट छैन” भन्दै फर्काउने गरेको पाइन्छ ।
विशेषगरी जुम्ला बजारमा रहेको राष्ट्रिय वाणिज्य बैंक लिमिटेड शाखाविरुद्ध यस्तो गुनासो बढी आएको छ । दशैंमा पूजा–पाठ र खर्चका लागि आवश्यक सुकिला नोट सहजै उपलब्ध हुनुपर्ने भए पनि बैंक भित्रै कर्मचारीले मनपरी गर्दै परिचितलाई प्राथमिकता दिएको नागरिकको आरोप छ ।
हामी सर्वसाधारणलाई पटक–पटक लाइनमा उभ्याउँछन् तर अन्ततः नोट सकियो भनेर पठाइदिन्छन् । तर, कर्मचारीका आफन्तहरू भने सजिलै सटही गरेर जान्छन् ,एक पीडितले गुनासो गर्दै भने ।
यसरी दशैंलाई नजिक्याउँदै गर्दा नोट सटहीमा पारदर्शिता नभएकाले सर्वसाधारणमा असन्तोष बढ्दै गएको छ । स्थानीयहरूले तत्कालै बैंकले समान पहुँच सुनिश्चित गर्नुपर्ने माग गरेका छन् ।
मुख्य प्रश्न दशैंको रौनकमा सबै नागरिकलाई समान रूपमा खुद्रा नोट उपलब्ध गराउने कि आफन्तलाई मात्र विशेषाधिकार दिने? सर्वसाधारणकाे गुनासाे रहेकाे छ ।
जुम्लाको राष्ट्रिय वाणिज्य बैँक लिमिटेड मात्र नभए जुम्लामा रहेका हरेक बैंकले यस्ताे प्रवृत्ती देखाउने गरेका छन् । समयमा सजक नभए जे पनि हुने नागरिककाे गुनासाे रहेकाे छ ।
