जुम्ला । भदौ १० गते बुधबार बिहान रसुवाको भोटेकोशी नदीमा आएको विनाशकारी बाढीले धेरैको घरबार मात्र बगाएन, धेरैका सपना र सहारा समेत खोसेर लगेको छ। विपत्तिले हिमाल, पहाड र तराई नभनी सबैलाई एउटै पीडामा गाँथेका बेला देश-विदेशबाट सहयोगका हातहरू अगाडि बढिरहेका छन्। यसै क्रममा नेपाली कला र खेलकुद क्षेत्रका सेलिब्रिटीहरू पनि उद्धार तथा राहत अभियानमा सक्रिय रूपमा जोडिएका छन्।

पीडितको घाउमा मलम लगाउन कसैले राहत कोषमा रकम जम्मा गरेका छन् भने कसैले राहत सामग्री बोकेर प्रभावित क्षेत्रमै पुग्ने तयारी गरेका छन्।

आर्थिक सहयोग गर्ने कलाकार तथा खेलाडीहरू:

सामग्री संकलन र प्रत्यक्ष अभियानमा दुर्गेश थापा

गायक दुर्गेश थापा केवल आर्थिक सहयोगमा सीमित नभई प्रत्यक्ष राहत सामग्री संकलनमा जुटेका छन्। उनले प्रभावित परिवारका लागि तत्काल आवश्यक पर्ने सिरक, डसना, लत्ताकपडा तथा बालबालिकाका लुगाहरू जुटाएर पीडितसमक्ष पुर्‍याउने अभियान चलाइरहेका छन्।

अपिल र समवेदनामा जुट्ने सेलिब्रिटीहरू

रकम सार्वजनिक नगरे पनि अभिनेता राजेश हमाल, अनमोल केसी, क्रिकेटर सन्दीप लामिछाने र गायिका प्राश्ना शाक्यले सामाजिक सञ्जालमार्फत सहयोगको अपिल गरेका छन्। हमालले सूचना प्रवाह र सहयोगको वातावरण बनाउन पहल गरिरहेका छन् भने अनमोल र सन्दीपले “रकमभन्दा सहयोगको मन ठूलो हुन्छ” भन्दै सबैलाई यथाशक्य सहयोग गर्न आग्रह गरेका छन्।